Share

Sunday, May 23, 2021

ഭാരത് ദർശൻ - 3

 തലശേരിയിൽ നിന്ന് വീണ്ടും യാത്ര തുടങ്ങി ,മംഗാലപുരം എത്തുന്നതിന് തൊട്ട് മുൻപ് ഉള്ള Petrol Pumbൽ നിന്ന് Diesel full ആക്കി അതിർത്തി കടന്നു .. റോഡിൻ്റെ സ്വഭാവം മാറി ഒന്നാന്തരം 4 വരി പാത ... പെട്ടെന്നുള്ള തീരുമാനത്തിൽ കുട്ടേട്ടൻ്റെ  അവിടെയുള്ള ഒരു ബന്ധു ഗൃഹത്തിൽ പോയി പ്രഭാതകർമ്മങ്ങളും ,ഒരു ഗ്ലാസ് ചായയും കുടിച്ച് നന്ദി പറഞ്ഞിറങ്ങി .കുറച്ച് പോന്ന് ഒരു കല്യാണമണ്ഡപത്തിനു മുന്നിൽ വെച്ച് കയ്യിൽ കരുതിയ പ്രഭാത ഭക്ഷണം കഴിച്ചു. കോവിഡ് സമയത്തെ യാത്ര അതീവ ശ്രദ്ധയിൽ ആയിരുന്നു .സാനിറ്റെ സർ, മാസ്കുകൾ ,ഹോമിയോ ,അയുർവേദ മരുന്നുകൾ എല്ലാം കയ്യിൽ കരുതിയിരുന്നു .

ഉടുപ്പി, കുന്താപുര, ഭട്ക്കൽ, മുരുടേശ്വർ എല്ലാം cross ചെയ്ത ഞങ്ങൾ ഗോകർണ്ണത്ത് എത്തി..

ആദ്യ യാത്ര തുടർച്ച

മൂകാംബികയിൽ നിന്ന് ഞങൾ നേരെ ഗോകർണ്ണം പോയി .ഹൈവേയിൽ നിന്ന് ഗോകർണ്ണത്തിലേക്കുള്ള വഴി അതി മനോഹരം തന്നെയാണ് .ഈ വഴിയിൽ ഉപ്പളം ധാരാളം കാണാം. വാഹനം Park ചെയ്തു നടന്നു ,ഗോവയിൽ നിന്ന് വന്ന ടൂറിസ്റ്റ്റ്റ്കൾ ധാരാളം ഉണ്ട് .അനേകം ധന്യാത്മ ക്കൾ വന്നു പോയിരുന്ന സ്ഥലങ്ങൾ ടൂറിസ്റ്റ് place ആയി മാറുന്നത് ദേശത്തിൻ്റെ സുകൃത ക്ഷയമായി കാണാം. ദർശനത്തിന് തിരക്ക് ഇല്ലെങ്കിലും ഏകദേശം 2 hrs ക്യൂ നിൽക്കണ്ടി വന്നു .ദർശനം കഴിഞ്ഞ് കടപ്പുറത്ത് പോയി ,അവിടെ അന്നദാനം ഉണ്ടായിരുന്നു .ക്ഷേത്ര നടത്തിപ്പുകാരായ രാഘേവേന്ദ്ര ട്രസ്റ്റ് ആണ് അന്നദാനം നടത്തിയിരുന്നത് .കേരളം വിട്ട് പുറത്ത് പോയാൽ ഒരു വിധം എല്ലാ ക്ഷേത്രങ്ങളിലും അന്നദാന മണ്ഡപങ്ങൾ ഉണ്ട്  .അന്നദാനം പോലെ മഹത്തായ ദാനമില്ല എന്ന സത്യം ഇവിടെ തെളിയുന്നു.ഭക്ഷണം കഴിച്ച് ഇറങ്ങി. അടുത്തത് ബീജാപൂർ ആണ്. ഗോകർണം വിട്ട് അൽപം നീങ്ങി നിർത്താം എന്ന് കരുതി വണ്ടി എടുത്തു. അവിടുന്ന് യെല്ലാപൂർ ഘാട്ട് (ചുരം) വഴിയാണ് ബീജാപൂർ ക്ക് .അനേക ദൂരം നല്ല കാട് തന്നെയായിരുന്നു. കാടിൻ്റെ ഇടയിൽ ഒരു ചെറിയ ഗ്രാമം വന്നപ്പോൾ പതുക്കെ വാഹനം നിർത്തി ,എല്ലാവരും ഉറങ്ങി.പിറ്റേന്ന് (31-1 - 19 ) യാത്രക്കിടയിൽ ഒരു ഗ്രാമത്തിൽ വാഹനം നിർത്തി പാചകത്തിനുള്ള പലചരക്ക് വാങ്ങി


നല്ല ഒരു സ്ഥലം കിട്ടിയപ്പോൾ പാചകവും നടത്തി

അതിനുശേഷം മനോഹരമായ 4 വരിപാത തുടങ്ങി .വണ്ടിയിലെ വെള്ളം കഴിഞ്ഞതിനാൽ ഒരു വീടിൻ്റെ അടുത്ത് നിർത്തി .ആവശ്യം പറഞ്ഞപ്പോൾ ഒരു മുത്തശി Purifier ൽ നിന്ന് ഞങ്ങളുടെ കന്നാസിൽ വെള്ളം എടുത്ത് തന്നു .കുടി വെള്ള ക്ഷാമം ഉള്ള സ്ഥലമാണ് എന്ന് അവരുടെ മക്കളുടെ വാക്കുകളിൽ നിന്ന് വ്യക്തമായി .ആ നല്ല മനസിന് ഒരു പ്രണാമം .ആ വീടിൻ്റെ ഫോട്ടോ താഴെ



ബീജാപൂർ എത്തി കുറെ കോട്ടകൾ ഉണ്ട് അവിടെ  എല്ലാം ഇടിഞ്ഞ് പൊളിഞ്ഞ കോട്ടകൾ .കാണാൻ വകുപ്പില്ല .അവിടുന്ന് D Mart ൽ നിന്ന് സാധനങ്ങൾ വാങ്ങി .രാത്രി ഒരു സർക്കാർ ഓഫീസിന് മുന്നിൽ നിർത്തി ഭക്ഷണം പാചകം ചെയ്ത് കഴിച്ചു .






Read more...

ഭാരത് ദർശൻ 2

 രാത്രി ഭക്ഷണം കഴിച്ച് വേഗം ഇറങ്ങി. യാത്ര പദ്ധതി പ്രകാരം പനാജി കഴിഞ്ഞിട്ടാണ് ആദ്യ Camp .ഗോവ വരെയുള്ള സ്ഥലങ്ങൾ  ഞങ്ങളുടെ ആദ്യ യാത്രയിൽ പിന്നിട്ടതാണ്. പ്രതീക്ഷിച്ച പോലെതന്നെ നല്ല ട്രാഫിക്കാണ് .തലശേരിയിൽ എത്തിയപ്പോൾ  വിശ്രമിക്കാൻ നിർത്തി .ആ സമയം  യാത്ര പദ്ധതിയുടെ കഴിഞ്ഞു പോയ യാത്രകളും ,ഉത്ഭവും മനസിൽ കൂടി കടന്നു പോയി.

തുടക്കം

ഈ യാത്രയുടെ ആശയം രൂപപ്പെട്ടപ്പോൾ ആശയത്തെ പ്രാവർത്തികമാക്കാൻ Action Plan ഉണ്ടാക്കിയത് തിരുവണ്ണാമലൈ വെച്ചാണ്. അവിടുന്നാണ് വാഹനവും, ആദ്യ യാത്രാ പദ്ധതിയും, കാലയളവും എങ്ങിനെ വേണമെന്ന്രൂ പപെടുത്തിയത്

യാത്രയുടെ ഉദ്ദേശം

12 ജ്യോതിർലിംഗം ,സപ്ത നദി ഉത്ഭവം ,108 ശക്തി പീഠം ,പിന്നെ മഹാഭാരതപഠനം. 

ആദ്യ യാത്ര

യാത്ര തുടങ്ങിയത് ,കാലടി ആചാര്യ സ്വാമികളുടെ മണ്ണിൽ പെരിയാറിൽ മുങ്ങിയാണ് .. നേരെ ഗുരുവായൂർ ,വടക്കുംനാഥൻ ,ശുകപുരം .അതിനു ശേഷം യാത്ര തുടങ്ങി....

കാലടി 



ചേലക്കരയിൽ നിന്ന് ഇറങ്ങി രാമപുരത്ത് എത്തി ഭക്ഷണം കഴിച്ച് തളിപറമ്പ് എത്തി ,വണ്ടിയിൽ തന്നെ കിടന്നുറങ്ങി നേരെത്തെ എഴുന്നേറ്റ് കുളിച്ച് തൊഴാൻ ചെന്നപ്പോ പൂച്ച ചത്ത കാരണം പുണ്യാഹം കഴിഞ്ഞേ നട തുറക്കുകയുള്ളൂ എന്ന് പറഞ്ഞു ,മനസിൽ ദർശനം നടത്തി ഞങ്ങൾ ഇറങ്ങി 



ഇടനീർ മoത്തിൽ എത്തി സ്വാമിയാരെ കാണാൻ സാധിച്ചില്ല . പ്രഭാത ഭക്ഷണം അവിടുന്ന് കഴിച്ചു യാത്ര പറഞ്ഞിറങ്ങി.നേരെ സുബ്രഹ്മണ്യം, അവിടെയും സുഖദർശനം ,അവിടുന്ന് ധർമ്മസ്ഥല ,സുബ്രമണ്യം ധർമ്മസ്ഥല റൂട്ട് പ്രകൃതി സൗന്ദര്യം നിറഞ്ഞതാണ് കുതിര മുഖ് നാഷ്ണൽ പാർക്ക് ഈ വഴിയിൽ ആണ് .ധർമ്മസ്ഥല എത്തിയപ്പോൾ തീരെ തിരക്ക് അനുഭവപ്പെട്ടില്ല ,നേരെ ക്ഷേത്ര ദർശനം നടത്തി അന്നദാന മണ്ഡപത്തിൽ നിന്ന് ഉച്ചഭക്ഷണം കഴിച്ചു ഇറങ്ങി. 

നേരെ ശ്രീഗേരി ലക്ഷ്യമാക്കി നീങ്ങി .വൈകുന്നേരം ശ്രീഗേരി എത്തി പുഴയിൽ കുളിച്ചു. വലിയ വലിയ മത്സ്യങ്ങൾ കാരണം ചെറിയ ഒരു സംശയം എനിക്കുണ്ടായി ,അവസാനം കുളിച്ചു .അപ്പോളേക്കും നല്ല തണുപ്പ് തുടങ്ങി ,



ക്ഷേത്ര ദർശനം നടത്തി രാത്രി ഭക്ഷണം  ബ്രാഹ്മണർക്ക് ഉള്ള അന്നദാന മണ്ഡപത്തിൽ കഴിച്ചു .സ്വാദ്യഷ്ടമായ ഭോജനം . അന്ന് രാത്രി അവിടെ പാർക്കിങ്ങ് ground ൽ നിർത്തി വണ്ടിയിൽ കിടന്നുറങ്ങി .10 Sec ൽ കൂടുതൽ വേണ്ട സുഖ നിദ്രക്ക് .. കാലത്ത് എഴുന്നേപ്പോൾ ഒരു സംഘം തൊട്ടടുത്ത് Tent അടിച്ച് കിടക്കുന്നു .. അവിടുന്ന് നേരെ മൂകാംബിക ക്ക് ,വഴിയിൽ ആദ്യമായി ഭക്ഷണ പാചകം ചെയ്തത് ഓർക്കുന്നു .ഉപ്പുമാവ് ഉണ്ടാക്കി കഴിച്ചു .ഉച്ചയോടെ സൗപർണ്ണികയിൽ എത്തി കുളിച്ച് "അമ്മയെ" തൊഴുതു.പ്രസാദം കഴിച്ച് ഗോകർണ്ണം ലക്ഷ്യമാക്കി നീങ്ങി



Read more...

Friday, May 14, 2021

ഭാരത് ദർശൻ

 വൈവിധ്യങ്ങളുടെ നാടാണ് ഭാരതം. ഭാരതം മുഴുവൻ നിലനിന്നിരുന്ന സംസ്ക്കാരം ഒന്നായിരുന്നു എന്നും, നമ്മൾ കളിച്ചിരുന്ന കളികൾ ,മുത്തശ്യമ്മ മാരുടെ ചെപ്പടിവിദ്യകൾ ,ആഘോഷങ്ങൾ ,കൃഷി രീതികൾ എന്നിവയെല്ലാം ഭാരതത്തിൻ്റെ പല ഭാഗത്തും ഒരു വിധം എല്ലായിടത്തും ഇന്നും കാണാം ... ഇതെല്ലാം മനസിലാക്കി അനുഭവിച്ചുകൊണ്ട് ,ഭാരത ഭൂമിയെ അടുത്തറിയാൻ ഉള്ള യാത്ര  അതാണ് ഭാരത് ദർശൻ.

ഞങ്ങൾ നാല് പേരാണ് ഭാരത് ദർശനിൽ ഉള്ളത്

ഹരി ഏട്ടൻ, കുട്ടേട്ടൻ, സുനിലേട്ടൻ ,ഞാനും.. കുറെ കാലമായി ഞങ്ങളുടെ മനസിലുള്ള ഒരു മോഹമായിരുന്നു  ഭാരതം മുഴുവൻ വാഹനത്തിൽ സഞ്ചരിക്കുക... സമാന ചിന്താഗതികാരായ ഞങ്ങൾ ഒത്ത് ചേർന്നപ്പോൾ ഭഗവാൻ്റെ അനുഗ്രഹവും വന്നു ചേർന്നു. 

ഗുജറാത്ത് ആണ് ഇത്തവണ തീരുമാനിച്ചത് .കേരളത്തിൽ ഇത്രയധികം തെറ്റി ധരിപ്പിക്കപെട്ട നാട് ഉണ്ടാവില്ല ... അതിനാൽ തന്നെ ഗുജറാത്തിനെ അടുത്തറിയുക എന്നത് വലിയ ആഗ്രഹമായിരുന്നു .പതിവ് പോലെ കുട്ടേട്ടൻ യാത്രയുടെ ദിവസവും ittenery യും ഉണ്ടാക്കി ,ഹരി ഏട്ടൻ വാഹനത്തിൻ്റെ സർവീസും കാര്യങ്ങളും കഴിച്ച് ദൂരെ യാത്രക്ക് തയ്യാറാക്കി .സുനിലേട്ടൻ യാത്രയിൽ പാചകത്തിന് വേണ്ട കാര്യങ്ങൾ ഒരുക്കി .ഞങ്ങളുടെ Shop ( തേവാരം പൂജാസ്റ്റോർ ) ൻ്റ ഉത്തരവാദിത്വം എനിക്കായതിനാൽ ഇത്തരം കാര്യങ്ങളിൽ ഞാൻ രക്ഷപെടും ... നേരെ വണ്ടിയിൽ കയറുക എന്നതാണ് എൻ്റെ പതിവ് .

7-2-21 

ഉച്ചക്ക് 2 മണിക്ക് സുനിലേട്ടൻ്റെ അവിടുന്ന് യാത്ര തുടങ്ങി .വൈകിട്ട് ഹരി ഏട്ടൻ്റെ ഇല്ലത്ത്  (ചേലക്കരയിൽ) ന്നിന് രാത്രി രാമപുരത്ത് എത്തി ഭക്ഷണം കഴിച്ച് ഇറങ്ങി .3 നേരത്ത് ക്ക് ഉള്ള ഭക്ഷണം കയ്യിൽ കരുതിയിരുന്നു.

ഭക്ഷണത്തിനും താമസത്തിനും  പൈസ ചിലവാക്കുകയില്ല എന്നത് ഞങളുടെ തീരുമാനമായിരുന്നു .അതിന് ഏതു കൊണ്ടു സഹായകമായ Tempo Travellor ആണ് ഞങ്ങളുടെ വണ്ടി .അതിന് പിന്നിലും ചെറിയ ഒരു കഥയുണ്ട് .


ആദ്യം ഏത് വാഹനം എന്നതായിരുന്നു ചിന്ത ... യാത്രയിൽ പുറത്ത് നിന്ന് ഭക്ഷണവും ,താമസവും ഇല്ല എന്ന് തീരുമാനിച്ചിരുന്നു .അതിന് ഉചിതമായ budget ൽ ഒതുങ്ങിയ വാഹനം Force ൻ്റെ Gurkha എന്ന വാഹനം എല്ലാവരും കൂടി ഉറപ്പിച്ചു.. Force ൻ്റെ ഷോറും രാധിക മോട്ടോഴ്സിൽ പോയപ്പോളാണ് 9 seatter Traveller Ac ,എൻ്റെ യും ഹരി ഏട്ടൻ്റെയും മനസിൽ കയറി. ഞങ്ങളുടെ ശക്തമായ സമർദ്ധം മൂലം മറ്റു രണ്ടു പേരേയും ഞങ്ങളുടെ വഴിക്ക് കൊണ്ടുവരാൻ സാധിച്ചു..

വാഹനത്തിൽ കിടക്കാനും, പാചകത്തിനും ,Luggage കയറ്റുന്നതിനും സൗകര്യമുണ്ടാക്കാൻ വണ്ടി കൊടകര അടുത്ത് പണിയാൻ കൊടുത്തു. ഞങ്ങളുടെ നിർദ്ദേശങ്ങൾ പറഞ്ഞു കൊടുക്കുകയും ചെയ്തു. എന്നാൽ ഞങ്ങൾ പറഞ്ഞു കൊടുത്തപ്രകാരം അല്ല വണ്ടി പണിതത്. അതിലും മനോഹരമായി ഞങ്ങളുടെ എല്ലാ ആവശ്യങ്ങളും നിറവേറ്റാൻ പറ്റുന്നതായി .ഒരു വണ്ടി പണിക്കാരന് Experiance എത്ര പ്രാധാന്യം ഉള്ളതാണ് എന്ന് ഇതിൽ മനസിലാക്കാം ...








Read more...
ഈ യാത്രാ വിവരണം നിങ്ങൾക്കിഷ്ടപ്പെട്ടുവെങ്കിൽ നിങ്ങളുടെ വിലയേറിയ അഭിപ്രായം പ്രതീക്ഷിക്കുന്നു.

  © Blogger templates The Professional Template by Ourblogtemplates.com 2008

Back to TOP